ulteriuras paginas                                   

da nus                                   

commembranza                                   

.

pro val lumnezia, nova uniun


L'avegnir pretenda dapli integraziun dalla populaziun indigena, dils proprietaris da secundas habitaziuns, hosps, da tuttas persunas ed instituziuns  ch'ein intressadas vid  in svilup cuzzont per la val lumnezia.  

L'instituziun  pro val lumnezia ei vegnida fundada igl onn 1991 ed il cumin ha funcziunau tochen oz sco purtader dall'instituziun. Per segirar vinavon in avegnir ei vegniu fundau ina uniun, pro val lumnezia ch ei aviarta per novs commembers.

Igl intent ei da sviluppar per la val lumnezia visiuns e strategias per in svilup cuzzont.  La finamira ei; da segirar contacts, brat d'ideas e collaboraziun interdisciplinara, sustener projects ed ideas cun avegnir. L'uniun segida tier l' elavuraziun da projects ed ha sezza la pusseivladad da realisar tals. La finamira din svilup sa esser da tempra (caracter) economica, ecologica, soziala ni lavur da formaziun.  La pro val lumnezia ei era post da contact per damondas per in svilup migeivel. La discussiun vegn fatga activa e cun sustegn, quei cun la populaziun. La pro val lumnezia tgira il contact cun instituziuns cun in semegliont intent. Plinavon definescha la pro lumnezia el rom dalla incumbensa seza igl accent da lavur.

La pro val lumnezia ha dapi sia existenza en lavur parziala cooperau stretgamein cun las vischnauncas, cun instituziuns, denter auter cun la SAB, l'allianza dallas alps, fundaziuns  etc. En quels onns ei vegniu elavurau projects che han surviu al turissem , al puresser ed era a coperativas eav. En tut han ins  saviu sustener sur 60 projects che han caschunau lavur da 9 mill. francs ed ins ha recaltgau 3.5mill. francs per quels projects. En quei senn ha la pro val lumnezia era gia fatg patratgs sur dalla proxima runda da svilup per la val lumnezia cun il concept „ir novas vias“. Tenor il concept ir novas vias vegn sa concentra sin la realisaziun dals temas; uaul,- energia,- lavur. mobilitad,- habitadi,- natira e cultura.



la visiun

construcziun dalla punt mulin 2008